الرئيس ” السيسي ” يوجه رساله للمواطنين بشأن أسباب ارتفاع الكهرباء

 

كتب هاني الصغير … في صباح اليوم الاثنين  من خلال إفتتاح مجمع بنبان للطاقة الشمسية، صرح الرئيس “عبدالفتاح السيسي ” أن مصر كانت تواجه مشكلة كبيرة في انتاج الكهرباء خلال عامي 2013 و2014 وأننا ننتج الكهرباء ونعمل عدالة في توزيعها ووزير الكهرباء قال إحنا محتاجين 1058 مليار جنيه بدون حياة كريمة.

كما أوضح سيادته قائلآ : الناس كانت بتشتكي من سعر الكهرباء ، هي غالية مش علشان إحنا عايزين نغليها عليهم ، لكن تكلفة الإنتاج عالية وأنا بتكلم على حوكمة الإجراءات وهل اللي إحنا بنتكلم فيه ده نقدر نحصله ولا لأ، لأن لو مقدرناش نحصله الدولة اللي هتتحمل الفارق، والدولة عليها أعباء كتير جدا.

وصرح الرئيس ” السيسي” بأن  كان ممكن نقول الموضوع ده ميتحلش، وفي دول بقالها 20 سنة عندها مشكلة في الكهرباء ومحلتهاش، أو نختار نحل المشكلة علشان نحمي الأمن القومي وندي فرصة لاستقرار الصناعات المرتبطة بالكهرباء وزيادة نموها.

وأكد الرئيس عبدالفتاح السيسي: قولت لوزير لكهرباء لو المصانع قفلت الناس هتمشي والعمالة هتبقى برا  ، والبلد دي هتتهد ،  وكان لازم نحل المسألة في أسرع وقت ممكن .

كما وصف الرئيس “السيسي”  وزير الكهرباء بـ”العالم الجليل في مجاله” قائلا : “نتحدث عن جهد وزارة كان ولا يزال على رأسها عالم جليل فاضل” وأننا نستهدف وضع مصر فى مصاف الدول المتقدمة فيما يتعلق بإنتاج الطاقة المتجددة والربط الكهربائي” .