تعرف على مبادرة “بوتجاسكو”..متخليش أبو بلاش يعمى عنيك..وتفوق تكون حفرت قبرك بإديك
![](https://i0.wp.com/petro-press.com/wp-content/uploads/2017/03/العلاج.jpg?resize=500%2C470&ssl=1)
الاستغلال السىء فى كل شىء وعلى رأسها العلاج، أدى ‘إلى قيام عدد من العاملين فى شركة “بوتجاسكو” من باب المسؤلية الإجتماعية وحبهم لشركتهم، إلى إطلاق مبادرة” هنطهر شركتنا، وبلاش الاستغلال السىء فى الأدوية عمر الحرام مادام لحد مستشهدين بـ ” جمع الحلال على الحرام ليكثره.، دخل الحرام على الحلال فبعثره.
وطرحت المبادرة التى حصلت على نصها “وكالة أنباء البترول والطاقة”، تساؤل”هل تعلم كم يكلف الاستغلال السىئ للعلاج الشخصي الشركة .. أنا هاقولك بيكلف الشركة حوالى 15 مليون جنيه فى شركة عددها 8000 موظف !!!!!!!!!!!!!!!!!!!!!!!!!!!!” عشان كده احب اقول للي بياخد علاج مش بيحتاجه أو يقوم بتبديله او يقوم ببيعه.. الحرام لا ينفع فلا تمارضوا فتمرضوا ولا تحفرو قبوركم فتموتوا!!!!!!!!!!!!!! هذه شركتكم ومصدر رزقكم حافظ عليها اعتبرها بيتك.
وتابعت:”المبادرة “وللاسف الاستخدام السئ وأبو بلاش كتر منه بيأثر علي زميلك المريض فعلا ويعطي زميللك المريض حق منقوص وبتسرق حق من حقوقه ، وأقول للي بياخد تحويلات وروشتات عشان يمشي من نص اليوم حراااااااااااام مش هتشوف بركه فى رزقك انت بتمشي نص يوم وبتحمل الشركة فوق يومك تكلفه اضافية من روشتات او تحاليل من دون حاجه ….. وأقول للي بياخد العلاج الشهرى يبيعه أنت بتدخل علي عيالك ناار في بطونهم من حرااااااام ، وأقول للي بيحتاج علاج علي أنه لشخصه وهو عايزة للاسف لابناءة أو زوجته حراااااااااام أنت بتدخل عليهم بأية!!!!!! انت عارف ؟؟؟والله ما بينفع !!!!!!! دول هيزدادوا مرضا !!
“وأقول للي بياخد جلسات علاج طبيعي عشان يزوغ بدل اليوم يبقي 6 ايام أو 12 يوم والله لهتشوفوا فصحتك بعدين وهتبقي محتاجه فعلا الحرام مببنفعش فلا تتمارض فتمرض …..وأقول للناس اللي عامله ارصدة عند الصيدليات لاستخدامها وقت الحاجه ربنا لن يبارك لكم …وياريت المسئولين يوقفوا التعامل مع الصيدليات ذات النفوس الضعيفة لأنك هتحاسب بعلمك بذلك وأن لم تحاسبه فانت تشاركه في جرمه.
ياريت نتقي الله ونراعي ربنا وياريت نخف من المجاملات علي حساب الشركه انت بتشاركه فالحراام وبتهدر أموال الشركة والمال الحرام لا يدوم فالمال الحرام سبب لمنع إجابة الدعاء ، وإغلاق باب السماء ” لَنْ يَدْخُلَ الْجَنَّةَ لَحْمٌ نَبَتَ مِنْ سُحْتٍ ، أي : من حرام ” والله الموفق والمستعان.
اللهم بلغت اللهم فاشهد