يحكى أن ولازم نعرف ان الحدوتة هنا فيها إن…
وصلت أمل بنت أمانى تفتح بيت والدتها تعيش فيه تانى ، قابلتها طنط عنايات وضمتها وقالتلها فكرتينى بأمانى الله يرحمها فى عزها .
وفجأة ظهرت تفيده الجاره اللى عايشه لوحدها فى الدور المستفيده بالميه والكهربا والسلم ومساحته كلهم بقوا ملكها لوحدها غير ان مفيش دوشة حواليها … من ساعة ما طفشت امانى والحياة احلوت ليها . ..
خافت من بصاتها عنايات ..خافت لتنوى على الاذى لأمل وتعيد اللى فات..عنايات حذرت أمل ..وقالتلها خدى بالك مش كل من جاورك يكون له نصيب من اسرارك ..اوعى تديها الفرصه وتدخليها دارك ..أمل قالتلها دى ست وحيده غلبانه ..متخافيش انا هريحها وابعد عنها واكيد هتسيبنى فى دنيتى ..وصباح الخير يا جارى انت فى حالك وانا فى حالى هعيش.
بس هيهات تفيده نصبت خلاص الشباك وكل يوم تخبط وتجرى وامل تبص من الباب متلاقيش حد وتقفل وتحاول تنسى وتنام ..لحد ما جت تفيده تزورها وتقولها كويس انك فتحتى البيت اصل من ركنته اتسكن ..اوعى تكونى بتخافى ..لو سمعتى او شوفتى حاجه ..كبرى دماغك ..شكلك جدعه ومبتخافيش ..أمل فضلت قلقانه بتفكر فى كلام تفيده والخوف ملاها ..هى ملهاش مكان تانى هتروح فين ..مكسورة الجناح غلبانه…
تفيدة لعبت لعبتها وراحت ترزع على الابواب وتخوف فيها ..حتى انوار البيت طفتها عليها..قعدت امل تصرخ وتنادى ..وهى بتجرى وقعت بعد ما اتكعبلت واتفتحت راسها .. والصبح قلقت عنايات وقالت تبص عليها ..وتفيده من ورا بابها واقفه تراقب بعنيها ..لحد ما سمعت عنايات بتصرخ ونزلت تجرى..وبعد شويه لاقت الناس بتقول يا حررام كان لسه قدامها العمر بدرى ..اطمنت تفيده رجعت حياتها ليها..بس وهى داخله تنام سمعت الخبط والرزع على الأبواب والنور رجع انطفى وصوت امل حواليها فى كل حته ..اتفزعت وطلعت تجرى ..قلبها متحملش الخضه وماتت..
تانى يوم جت عنايات بتطمن على امل ..هو مين ممكن يقول ان الأمل مات ..عنايات لحقت أمل من مكيدة تفيده ..وقالت تقلب السحر على الساحر ..واشاعت ان أمل ماتت ..وبكده نالت تفيدة جزأها وده من شر أعمالها..عرفتوا الإن هنا فين ؟
