خدمات وتنمية مجتمعية

“لم الشمل”..مبادرة اجتماعية تطلقها نشوى حسن عاطف للحفاظ على الاسرة المصرية

كتب رأفت إبراهيم

أطلقت السيدة نشوي حسن عاطف مبادرة ” لم الشمل” وهي مبادرة اجتماعية تعني بـ لم شمل الأسرة المصرية بدءً من محيط الأسرة وذوي الأرحام وانطلاقا بلم شمل الجيران القاطنين في عقار واحد ووصولا إلي محاولة لم شمل أصدقاء الطفولة والزمن الجميل وقد ركزت المبادرة على عدة أشياء منها تصفية النفوس والتفاعل الايجابي مع تلك المبادرة من خلال تجمع أصحاب المباردة على أرض الواقع من خلال تخصيص يوم للقاء..

ولاقت مبادرة السيدة نشوي حسن عاطف قبولا كبيرا حتى اصبح لها أعضاء فى كل المحافظات إضافة إلى شخصيات المجتمع التي دعمت وشجعت المبادرة ومنها النائبة مايسة عطوة عضو مجلس الشعب، والاستاذة ثروت ابو الجوخ سيدة الأعمال المشهورة والتي أشادت بالمبادرة واهدافها العظيمة.

وتنص المبادرة
“لم الشمل عايش عزله يعني وحيد والناس حواليك بتدور على ايام زمان بتدور كنا بتقضي وقتتا ازاي.. طيب تعالوا نرجع اللي فات واللي كان ماضي وراح يلا نرجع لمتنا نقعد على طبلية واحدة وناكل من طبق واحد ونشرب شاي العصاري.

يلا نشوف اصحابنا واحبابنا راحوا فين وندور عليهم يمكن تلاقيهم.. احنا فين؟ بقينا لوحدنا بقي كل واحد في حياته له واقع يعيشه وبقينا عاملين زي القوقعه بندخل ونقفل على نفسنا..

طيب بينا نرجع لماضينا ايام ما كان في يوم في الأسبوع متجمعين كلنا مع اهلنا ايام ما كان المصيف مصيف بنروح مش اقل من عشرين وثلاثين فرد..

يعني نخللي يوم لجيراننا يعني نعيش ونحلم ونضحك من قلوبنا يعني تدور على الماضي تدور على حبايبنا>>

يعني نحب ونشيل من قلوبنا الكره >>

يعني يبقي عندك تسامح وعفو وتصالح من نفسك قبل الغير >>

يعني لا حقد ولا غل يعني تكون القلوب للمحبة وليست للقسوة>>

يعني نبادر ونبدأ بنفسنا وبحبايبنا واصحابنا وبالقلوب الجميلة الطيبة >>

يعني نبدأ في يوم مفيهوش غير حب وحياة مفيهاش لوم ولا عتاب>>

يعني يكون عندنا نقاء داخلي وسلام نفسي>>

يعني ندور على بعض طيب >>

يلا بينا كل واحد يبعت للتاني بالمبادرة ونلم الشمل انا هابعت لصديقاتي الاعزاء ونتفق معاهم على يوم نتحمع فيه ونحاول نوصل لابعد بعيد سواء في الأ سرة او الاصحاب الدنيا فيها خير والحياة قصيرة وغير محتمله ان تفكر فيها بشكل سلبي نعم.. لازم نكون ايجابيين

لازم نعمل حاجه

انا عارفه ان مش كل الناس هتكون متفاعله معانا بس لو بدأنا فعلا هنوصل.

يلا بينا ……

يلا نعيش…..

يلا نلم الشمل…

Smiley face

Smiley face
ليصلك جديدنا أكتب بريدك:

ضع إيميلك ليصلك كل جديد:

Delivered by FeedBurner

الوسوم
زر الذهاب إلى الأعلى