الدكتورة جاسمين السيد تكتب: اتعلموا السحر واتعلموا تسحروا

حالات كتير من اللي بشوفها بتقول لى اعمل ايه يا دكتورة ده شكلها سحراله؟ طيب ايه رأيكو أعلمكوا السحر؟ الرسول عليه افضل الصلاة والسلام لما بدأ رسالته وبدأ يدعو الناس للاسلام قالوا عليه ساحر! عارفين ليه لان رسالته كانت القرآن الكريم والقرآن الكريم كلام الرحمن من هنا عرفنا ان الكلام له مفعول السحر والتعازيم وفى حديث نبوى يقول صلى الله عليه وسلم إن من البيان لسحرا وفى هذا الحديث اختصار بليغ لكون الكلام له تأثير يشبه تأثير السحر ومن هنا نتحدث عن بعض الكلمات الساحرة او Magic Words:
لما تطلب طلب من حد لازم تقول له من فضلك لو سمحت، انك تقول للشخص علشانك عمل كل اللى فى وسعى، قول له انت مش عارف انت ايه بالنسبة ليا، قول انا اسف قول انا كنت غلط وانت معاك حق، قول له تسمح لى اساعدك، قول له انا هنا جنبك وفى ظهرك، قول له اى وقت حبيت تتكلم انا موجود، قول له انا واثق فيك ومؤمن بيك، قول له انا مقدر مجهودك، قول له وعد منى بس لما توعد لازم توفى، قول له انا عارف انك تقدر تعمل كده وتشجعه، قول له صباح الخير ومعاها ابتسامة كل يوم الصبح له، قول له برافو عليك انت كويس انت ابدعت لما تشوفه عمل حاجة كويسة لو عملت كده اضمن لك انك كده بقيت شخص ساحر.