يحكى أن ولازم نعرف إن الحكاية هنا فيها إن ..
زمان كان في بلد صغيره مصرية اهلها غلابة بيناموا من العشا ايامها كلها شبه بعضها ..لحد مع عم فتحى اللى فاتح القهوه معجبوش حاله وجت له فكره حلوه على سهوه قال يجيب مغناواتى ومعاه كام الالاتى واهو يزود فى اليومية ويخلى ناس متروحش بيوتها من المغربيه .الناس كلها بقوا زباين عنده والنقديه عند عم فتحى بقت بتزيد كل يوم عن اللى قبله والفلاحين بقوا كل يوم يصحوا متاخرين وبقوا يكسلوا كل يوم عن اللى قبله لحد ما الزرع دبل ومات والمحصول قل ..بس مكنش فارق معاهم مغناوتى عم فتحى نسمعه ونسلطن اهم ..لحد ما هجم طوفان الكوليرا وباء وطاح فى الناس حتى عم فتحى راح ومكانه اتقفل ..ولو اى واحد فكر يخرج بره داره ممكن فى مكانه يندفن ..بقى كل واحد زعلان على حاله ضيع بايده رزقه وقوت عياله بس خلاص الوقت فات .. وبسبب مغناواتى عم فتحى شوف منهم كام واحد مات ..والكل بقى بيندب من سكات …..عرفتوا الإن هنا فين ؟
