أخبار البترولمميز

ياسمين دسوقى تكتب …الروشتة وعلاقات مرهونة

علاقاتنا بالناس دايماً مرهونة برصيد بتحدده المواقف اللي بنتعرضلها سوا، سواء موقف بنتحط احنا فيه .. أو موقف الطرف التاني بيتحط فيه .. المهم أنه بيظهر من خلاله مجموعة من التصرفات بتدل على قدر وقيمة كل واحد عند التاني ، فكل ما بيكون التعامل بحب وأهتمام وأحترام بين الطرفين ، كل لما الرصيد ده بيزيد ويعلى والمعزة بتكبر و أوراصر الترابط بتتشابك أكتر وأكتر..

ولما بيتعرض التعامل ده لهزات صغيرة ، الرصيد هنا مبيقلش من أولها ، لاااا….. دا الواحد بيعذر مرة وإتنين وعشرة .. ولكن دا ميمنعش أبداً أن الواحد يصاب بحزن و ضيق وخيبة أمل مع مرور الوقت مع تزايد المواقف اللي بيظهر من خلالها التصرفات غير المبررة اللي بتعبر اوقات عن حالة من عدم الإستعناء، أو بيقل فيها الإهتمام.

في الحالة دي بيبتدي الرصيد يقل وتنقص محبتهم ومعزتهم عندنا ، لأنهم استنفذوا رصيد التسامح اللى كان موجود مخصوص عشانهم، وطبعا عشان العلاقة تلحق نفسها وتقدر تستمر ، لازم يكون في صحوة ضميرية ، توقف نزيف الرصيد اللي عمال يقل ده ، لأن لو ده محصلش ، القلب هيقسوا فجأة ، وهيتوقف عن المسامحة و الغفران، و الرصيد هنا بيكون خلص.

petro petro petro

عشان كدة لازم نكون حريصين على علاقاتنا بالناس الجدعة اللي بتسامح وبتعدي ، اللي بتهتم وبتحافظ علينا ، اللي طول الوقت تصرفاتها بتدل على وفائها واخلاصها ، و نبادلهم مشاعر الود والحب والاهتمام ، عشان نقدر احنا كمان نسامح ونغفر ونعدي، قبل ما الرصيد يخلص و ميبقاش مُجدي.

بقلم / ياسمين دسوقي
مدير عام مساعد التدريب بشركة بتروسيف -قطاع البترول والثروة المعدنية و عضو المجلس القومي للمرأة فرع القاهرة

زر الذهاب إلى الأعلى
slot server jepang