الشاعر أحمد وشاحى يكتب قصيدة مين هى مصر
مصر يعني الاصاله يعني الطيبة الدم الحامي
ومن هنا ببعت سلامي لكل مصري وقت الشده تلقاه
مصر يعني لما تتكلم عن مصر يعني تقف انتباه
مصر يعني التاريخ مصر يعني السند لكل بلاد الله
في كل وقت نلاقيها معانا وسندانا ومن حنانها مشربانا
ونزعل منها قد ما نزعل برضو في حضنها لمانا
هيا اللي علمتنا كيف نكون رجاله
والسؤال في وقت شدتها نسيبها لا طبعاً استحاله
ما هيا مربيانا كلنا على الأصول
وربنا سبحانه وتعالى جعل في وشها القبول
يالي متعرفوش حاجه عن مصر
مصر يعني العزة والكرامه
مصر يعني الرجوله والشهامه
من شرق لغرب بلادها
والجدعنه زرعاها في كل ولادها
ومفيش فرق عندها بين مسلم ومسيحي ولا كنيسة ولا جامع
واسمها في كل مكان لامع
وحتى لو لقيت عيل من عيالها قلبه جاحد
وقت المحن بنكون كلنا على قلب راجل واحد
مصر يعني كلمه من تلات حروف
مصر اللي عمر ما دخل قلبها الخوف
وهتفضل واقفه على رجليها مهما كانت الظروف
وهيا اصل العروبة
وعمر ما حد يقدر يخليها على حاجه مغصوبة
مصر هيا الجبل اللي عمره ما مال
و خلفتها مبتجبش غير الرجال
يالي متعرفوش مين هيا مصر هيا ام الشهدا وأم الابطال
